Redman hurting relationships in the USA
Yoggo Yoggo Yow!!! Waa gwaan TamFam?? Big up all Ragashanti Live listeners ova www.tambourineradio.com Bless up unu self.
Man deh ya same way a juggle up ya inna Redman. Him a gwaan bad now, esi. Him banning a Muslims fram di 7 countries a cause hell an powda house up ya. All nuff Jamaicans an Caribbean people worried ya now bout wa coulda come inna di future.
One a di interesting impact of Redman is dat his candidacy and presidency, more than any other, have caused the most disruptions and cessation in relationships! Yups! Dat mean more dan any other president more people tap chat to dem friends and relatives, which includes mothers, fathers, daughters, sons, aunts, uncles, cousins, etc. Break-ups lef, right, an center. It literally include millions of affected people.
One man inna him late fifties claim him vote fi Redman cause him believe him a goh bring back jobs. But him son seh Redman is a disgusting racist an him cyaan believe him fada woulda vote fi him. Dem argue bout it so long and harsh till di son reach a point weh him seh him an him family will not ever again be visiting him father and mother again.
STOP BEING SELFISH
Now dem naa chat to dem one anneda, an di fada a seh him son fi stop being selfish an mek him get fi see him grandpickney dem.
Anneda man an fi him wife bruk up ova Redman, too. Di wife seh right ya now security a di most important ting, an Hillary Clinton wouldn't be able to protect di country competently, soh a Redman she seh. Di husband reel out a bag a dutty, nasty tings bout Redman weh him tink jus mek him di most awful choice fi president. Him seh wa bun him di most is dat dem have two daughters an him cyaan undastan how him wife a goh support a president who talk it openly seh wen him see woman who him like him jus "grab dem by di p%#@y." Him an him wife war till divorce file.
A nex woman seh happiness is di most important ting inna har life, an as such, she a goh sekkle dung wid har farin bunna man, cause har Jamaican man a eediat fi a support Redman.
An jus like dat, example after example, Redman probably a di most divisive president a di United States since dem civil war inna di 1800s.
Awright, cutmentz ya now. Sen mi unu drama dem at email@example.com See unu nex week same place ya soh. Bless.