Suss with Latty Goodaz


March 18, 2016
Gully Bop and A'mari
Tanto Blacks
Yanique the Curvy Diva.
Ricardo Makyn/Staff Photographer Edwin Allen High School's track and field athletes celebrating their victory on the final day of the ISSA/GraceKennedy Boys and Girls' Athletic Championships at the National Stadium on Saturday.

Suss with Latty Goodaz

Champs time ya now. Everybody inna school tie a walk up and dung like dem did even pass grade one. Big up every school weh a represent fi Champs. RIP Jordan Foote. Gone but not forgotten.

Raeeeee. A ya so nice!! Yanique Curvy Diva, aka Yanique wid the new assets, what a way you finally make headlines ya now! Me see you send press release bout how you 'outshine' Blac Chyna at BritJam, but a mus the baby oil that you rub up yuh top half wid you a talk. If you want to spend your money pon yuh body, that's your choice. But nuh badda wid the hypocrite ting bout you a inspire young ladies fi love dem body.

QQ, God know mi feel it fi you. What a way dem thief you $3 million. Oh gosh! How dem wicked so? Mi never know you have $3 million pon a debit card. But now that me know, call me. Me a look a husband.

Gully Bop and A'Mari, me only have one word fi unuh - YUCK!! A'Mari say when Gully Bop touch her she climax fast and how him ignite her passion. A bun you fi go bun up. We don't wanna hear these things. Keep them to unuh self.

Tanto Blacks you a one di realest artiste. You make a speech say you you get your heart broken by a ex-girl and you cudda barely read and you go home go bawl. A nuff artiste caan read all now. A nuff a bawl over woman and a come hype up inna song and pon stage. Big up Tanto Blacks. Tanamanay. Tanamanah. Real RICH!!

Other Features Stories