Letters

Stop di 'bashment ride'

THE EDITOR, Madam:

A wha dis pon our blessed islan'?

School girls deh travel pon "bashment buses" in a 'pantiless' condition.

Aunti Mavis, some a wi gal pickney dem gone to di lowest dimension!

A weh wi a go do fi tidy up dis situation?

Aunti Mae certain time di 'bashment bus' lock up tight an' liquor flow.

Dem time deh all hell bruk loose pon dat deh bus deh, yu know.

Auntie Mae, some a di gal pickney dem even have uniform skirt wid di pocket cut out So (bashment) dem 'bashment partner' can touch dem all 'bout.

Dear Lord, deliver our misled girls an' 'bashment partners' from out a Satan's snout. Parents, teachers, everyone, stop express so much shock and despair at weh deh gwaan pon di 'bashment bus'.

Get into some positive movement dat can help heal wi children and stop dem from trodding a path dat's dangerous.

Parents, train up yu pickney well, hold dem han' an' guide dem in di ways a di 'Master' Help gi yu pickney strength fi fight di evils of dis world an' help prepare dem fi di hereafter.

I am, etc.,

CONCERNED CITIZEN