Fashion Ova Style

Yow, di people dem seh One Third really a live up to dem name. Every ting dem do, it haffi split inna one third. Last week, di people dem seh a did di fashion. Not only did one a dem come inna a different shirt from di rest, but di people seh one also come wid him pants tighta dan di rest. Mi worried bout dat, no tight pants ting roun ere rasta!

A Brush With The Wrong Style

Yow Brushy, yuh a mi doops, but di people dem seh yuh fashion sense did deh pon leave last week. Di cowboy belt did a bling an a blind people an waz up wid di guitar, a part a yuh clothes? But nuh watch nuh face, cause yuh a trend setta, everybody want a one-string guitar yah now, it sell off!

Watch Di Hype!

Yow, a nuh cable TV dis but Suzanne, mi hear seh yuh fans a blow kiss to yuh an yuh nah pay dem nuh mind. Suzanne, watch yuhself, a di people dem a vote now!

Weh Di Refreshments Deh?

Di people want Wata, W-A-T-A, Wata! Yow, it look like di Pepsi cyan stretch fi share up inna di audience, cause almost every week mi hear smady in a di crowd a ask seh if dem nuh special to? Dem spend all dem time screaming and shouting and build banna fi dem favourite star, but di judge dem whe barely talk get pepsi whole night. A wah dat ayah?

One lady inna di audience last week, afta she work up di courage fi ask fi some refreshment di stage manager talk bout, "Meet me in the parking lot after the show." Wata Coola mus be out deh!

Natel Getting Deals Already?

Waaah gwaan Natel, afta wi think seh yuh down an out, wi si yuh bounce back inna di audience last week. A waaaa gwaan? Nuh feel nuh way still, wi si when Clyde McKenzie sqeeze off him numba gi yuh. A wah, record deal or wah?

Bad Mind Is Active!

Nickesha, watch yuh back. I are uncovered a plot to de-throne you. Mi hear seh di Rising Star audience si seh Anthony have a ting fi yuh an they will have none of it, cause him too bad mind to di rest a di contestants an nicey nicey to you.

Suh, mi hear seh plans are afoot to vote you off this week in order to spite Anthony. We will see tonight, if the plot pans out.