From Left: Ninja Man, Erup, Sean Kingston, Actor Blair Underwood poses with upcoming artiste Barbee and Dancehall artiste Danielle

Portmore, wah do some ah dem eediat gal who siddown ah dem step ah roadside and a wait fi beg di artise dem a ting fi Christmas. Some gal ah run off dem mouth and dem need an inside bathroom. Suss time now. Mi have the permit fi bury and the licence fi kill some people career. Ready fi it, Portmore?

NINJA YUH 'OLE, SUH KOOL

How Ninja Man ah class up Munga Honourable so inna the interview ? The man say Munga "voice nuh real, Munga a computer and when people hear him perform him sound like a rusty iron". Weh Ninjaman feel like? Him fi go perform pon Heineken Startime wid man like Ken Boothe and John Holt dem and low the young yute, him score more hits inna one year than Ninja do inna him whole lifetime. Him fi leggo offa the yute name.

DANIELLE VS D'ANGEL

What is not this! A wah Danielle and D'Angel have? Mi get an email this week about a song that Danielle do ah class up Angel and pure sitten sitten. Danielle ah say 'how yu fi trade in yu Range fi a X5 hot gal no travel inna 2002 ride'. And start dip under her about the booing she ah get. Even though she no call no name, she say 'de same gal who mash up Shocking Vibes crew, she get me cross, angry and miserable too, now everywhere she go, she get boo'. Nuh muss D'Angel she ah chat. But one question, how Danielle one so hype? Portmore, mi woulda love a Range much less an X5. Weh yu say Portmore girls?

SEAN KINGSTON GRAMMY SHOW SELL OFF

Sean Kingston ah go be the new Grammy kid outta Jamaica. The man have four nominations, and him de pon the 'Grammy Xmas' show inna Ochey. The show ah go mad, mi hear say Busy, Vybz Kartel, Danielle, D'Angel, and maybe even Buju Banton coulda de pon the show. But mi no know, no Beenie Man, no Shabba, No Shaggy, no Marleys, dem ah the original Grammy people, dem need fi inna the ting too.

WHERE IS DADDY VIDEO?

Everybody a wonder just where November STAR Artiste of the Month Queen Ifrica Daddy video de. Is only one television station have it, and nobody else nah show it and is the biggest song inna Jamaica right now. Nobody caan find the producer Flava. The man nah answer him phone, Ifrica don't have a copy, ah just pure drama wid her career right now. The little man who act the incest part supposed to feel little better, but still, weh de video de? The public waan fi know.

CALL HIM JOE SANTA CLAUS

Mi no know, dem say Joe the White Gadd plan fi give toys to kids from the children's homes this year as part of Downsound's contribution to the Nikki Z charity called 'Operation Santa 876'. Mi hear say him plan fi fly in the toys dem from L.A. Mad! Also a want every fan of SUSS fi buy a extra toy and drop it off at ZIP FM or contact Golddie Locks or One876entertainment.com. And play unno part in makin di little one smile fi Christmas..

WHY DEM AH TRY STOP LUTAN FYAH?

Rumours dem spreading, but Lutan still stand firm inna the ting. How dem a try smear the big man character wid dem eediat argument dem 'bout him and young girl? Look how much people Lutan Fyah help inna him community, and still bad mind is active, and dem waan fi destroy the man, but Spanish Town nah go allow that fi gwaan. St. Jago De La Vega the yute dem a say.

ERUP HOT AGAIN

Even though Bibi Gardener nah pilot the man career again, Erup still hot. The man find a new song, Click My Finger, that ah tek the place by storm. Unnu memba how him did deal wit it last year wit Gyal A Run Dem Head. The dread from the east ah rise again. Mi love the Toddla pon the riddim too, him a shot, it look like him ah come fi mek a statement at this year's Sting.

NATALIE DO SURGERY

Everybody ah talk say Natalie from Downsound do the operation fi staple her stomach because the girl lose ah whole heap a weight and look dainty and hot like she a 16. Some people say a exercise and diet, but mi caan tell yet. Anyway, the way she lose weight, she affi get a new wardrobe fi the Xmas, and mi hear say she fly go Miami fi go shopp'n and ting, and now her ting sort out.

QUESTION TIME

❒ What a way Christina expose the whole of her assets at the Magnum Calendar girl event at Asylum this week? The Gangsta For Life deal wid yu rash!

❒ Mi no know, Shorty, yu buss, mi see yu inna Addi new video pon RE ah gwaan wid a bagga tings inna the Fatta Dan a Pound video. How yu one so hype?

❒ How people ah dead so all over the place? The man dem kill 47 inna seven days, and the killing coming in like it nah ease up. Next year, mi a go inna my church, God soon come fi Him world.

❒ How Barbee ah move like a groupie so at the AMAs? She ah run down picture wid Blair Underwood and the girl name Scary Spice from the Spice Girls.

❒ Junior Pinchers, the ting ah happen, the Forever song sell off, yu voice the radio jingle fi Ghetto Splash III and yu de pon some rural show, show in Amazura in February, mi love the new vibes yu a build inna the street. But how yu and yu father mek out? Ah true say yu a perform wid Pinchers ah Sting?

❒ How Macka Diamond get such a big boo downa West Kingston Jamboree?

❒ How Toya ah go so hard? She say Biggy ah mek at least six outfit fi the different event dem fi the Xmas, each one fi match wid her shoes. Too hype!

BIG UPS

Condolences to Herb McKenley family. Big up Chris Brown and T.O.K who do a song together wah day ya. Big up Skatta, yu back inna the producing ting wid a bang. Big up man like Steve from Truckback, big up Serani and Bugle and the whole entourage. Big up Miss Cherry di real SUSS dem caan stop nor study yuh.

Email: Sharlenesussu@gmail.com