The three reviewers welcome feedback from the artistes and the public about the column. Send your comments to bussdem@hotmail.com. This week the muss buss/cyaan buss team will be reviewing Throw dem Overboard by Delly Ranx, Monster Twinz and Sample 6.

Lady Boo: "It sounds good, it makes mi wanna dance."

Witch: "Mi tink dats di point."

X Factor: "Yeah it sound alrite-ish."

Lady Boo: "Yeah mi definitely a feel di 'ish'. It kinda have a Mavado, Kartel, Buju mix up kinda style."

Witch: "Mi nah feel di Mavado inna it cause it not violent enough fi him, but it takes a while to build up and is a dancing tune, so it need fi start wid a pop so di dancers dem can do a ting."

Lady Boo: "It kinda a bring back a vibe weh di dancehall need at di moment instead of the gun tunes and ting."

X Factor: "Yeah, fi real di vibes kinda deh deh and ting and at least di girls are invited to take di dance floor. Mi caan bodda wid di bag a man a jump up."

Witch: "Weh mi like bout it is dat it shows a unity among di dancers from Sample 6 cause dem big up dancers like Black Blingaz and bun out di corrupted selectors."

Lady Boo: "Di energy is definitely real, despite di anticlimactic ending. Is almost like it just stap suddenly."

Witch: "Di song nah really seh much still lyrically."

Lady Boo: "Yeah, it's about di energy ... a welcome change."

X Factor: "A so di dancing song dem go. Is more about di riddim and di punchline rather than lyrical content."

Witch: "Di riddim is nice."

Lady Boo: "Di riddim hype!"

Witch: "Mi caan hear who is who though, like where is Delly part? Weh Monster Twinz and Sample Six come in? It all kinda jumbled."

Lady Boo: "Overall it just soun noisy."

X Factor: "I just tink is a weird combination cause dese three out of di way."

Witch: "Sample Six is hot still, dere are everywhere. So waa unnu seh bout di song?"

Lady Boo: "A ting can gwaan fi it still."

X Factor: "Well yuh done know once dancers are involved and is a dance song it a go endorse a road. So mi a expect fi hear it get big."

Lady Boo: "X Factor, mine yuh mek every dancer come out wid a song."

Witch: "Nuff of dem have a tune still but at least dis one can buss."

Sample Six (from left) Scotty Sample, Garth Sample and Showas Sample took their performance to the limit, thrilling the students with some acrobatics. - Peta-Gaye Clachar