The three reviewers welcome feedback from the artistes and the public about the column. Send your comments to bussdem@hotmail.com or mail in your songs to Mus' Buss at the Gleaner Company, 7 North Street, Kingston. This week, the muss' buss/cyaan buss team will be reviewing Konshen's Rasta Imposter.

X Factor: "Him sound like Rasta, if mi neva know mi woulda think he was one."

Witch: "Him sound like Assassin in parts too."

Lady Boo: "Yeah, him sound like a Rasta but mi nuh think him really sound like Assassin - him look nice though."

X Factor: "Any comments on the song, Lady Boo?"

Lady Boo: "Mi know seh it nah go down well wid some Rastas or dem man dem who claim dem a Rasta."

Witch: "Yeah, him a hit it hard fi di Rasta dem, mi nuh too sure it's as true as he says but the lyrics hard."

X Factor: "Yeah, is a tune yuh can listen still and di lyrics dem; seem tight."

Lady Boo: "Mi really like di line weh him seh 'seh dem a Rasta and see wha kinda a woman dem a wife up' - it's really true."

Witch: "Mi nuh impress wid the riddim still - it just dry. The song woulda sound betta and more appealing to me on an entirely different beat. Mi kinda barely listen to di words on dis riddim."

X Factor: "True, mi agree dem shoulda find a more hype riddim. deh one ya will put people to sleep."

Witch: "People nah give it a second listen if it don't catch dem di first time."

X Factor: "When yuh just a come bout, yuh haffi go hard even though is more of a conscious type."

Lady Boo: "Di riddim nuh really hot but mi like to listen to di lyrics. It can buss, maybe if dem change di riddim."

Witch: "Sumting missing still. It nuh have di fine tuned quality-time in-di-studio feel and guidance to it. It still feel like a fresh-act tune people woulda bring to STAR. So mi nuh too sure bout it - it need some more studio work."