Christopher Martin - file

In this week's Mus Buss Caan Buss song review feature, three musical minds with different tastes will analyse each song and will grade it on vocal ability, lyrics, musical arrangement and appeal. Songs that make the grade will be dubbed 'Mus Buss', while songs that flop they will be dumped in the 'Caan Buss' bin.

The three reviewers welcome feedback from the artistes and the public about the column. Send your comments to :

bussdem@hotmail.com or mail in your songs to 'Mus Buss' at the Gleaner Company, 7 North Street, Kingston. This week the mus buss/cyaan buss team will be reviewing Christopher Martin's Rain Drops.

Lady Boo: "Mi hear one echo."

X Factor: "I guess that's probably D Major in di background."

Witch: "Lol, unnu too awful."

X Factor: "Di tune nuh sound bad still and di riddim and di lyrics actually sound like they complement each other."

Witch: "Well di riddim call rain drops as well, so it look like Chris get the spotlight on dis riddim, him a get pass the Rising Stars eeh. Him a get fi be just an artiste."

X Factor: "I agree, him a probably the most successful out of Rising Stars."

Lady Boo: "I like him as an artiste he has a nice voice even though it kinda squeaky but him have good melody. He has di ability to reach some very high pitches, it's sexy."

Witch: "Well for a young man him nuh bad still, mi hear seh him have a six pack...but back to di music him have a good voice still, him a hit di notes dem and di love songs just suit him although he can do other songs. Dis riddim though, a wonder if it can be di next guardian angel..some of di same artistes on it."

X Factor: "Mi can actually visualise a video fi it already...."

Lady Boo: "And di video woulda sexy."

X Factor: "....As I was saying di video woulda mad still, yuh can see di song doing much betta wid a video to it. And di song name Rain Drops, suh mi can just picture a sexy woman in di rain dripping wet and Chris Martin I guess trying to woo her."

Witch: "Ok Lady Boo isn't the only one with a one track mind...the lyrics are nice though, if Chris write it yuh can tell seh him deep, him have nuff emotions and know how to treat a real lady. Mi tink wid a video it woulda nice but di song itself mus buss."

X Factor: "I agree di song sound good already and a well done video would only complement it. Di song mus buss fi me to."

Lady Boo: "Well any man weh talk bout treating a woman good buss for me so di song buss."