D'Angel - Nathaniel Stewart

Massive di way how mi vex mi cyaan talk! Mi neva see a week full ah

destruction an parasite so yet! It set a new record! Thursday morning

when Kaboom call me an tell me say fi tune een to Raga program, an me

hear di man a cuss bout wicked people who love step inna yuh way when

yuh a try strive inna life, mi haffi lif mi hand dem an shout "Yes

Raga Yes!" Sometime some tings an people will mek yuh sin yuhself inna

life an commit crime outta frustration. But woe be unto dem fluxy

parasite deh who a failure inna fi dem life an try step to me! Who God

bless, no man curse! Wid dat said, mi a hope fi see di whole a oonu

this Saturday inna May Pen and next week Friday inna Santa Cruz at the

Amazon Night Club! Link me pon hotgalcherry@hotmail.com.

OONU SOON GET BACK LIGHT

My God in Heaven! When mi hear deh news yah mi almost cry.

Big, prominent studio and di light cut off from when?

Den everybody haffi stop wuk from when cause

dem nuh have no electricity fi power up di equipment! Wha happen to

studio bookings, how dat wuk? Oonu nah lose money? Whe di whole a di

money a go?

IT NEED A STRONGER FORCE

D'Angel mi hear yuh new ad; mi naw lie, it nuh sound all dat. It actually annoying still, especially di lass part ah di ad.

Well, at least yuh pictuh dem look good; so there is an upside. By di

way yuh naw put out no new song? A wha? An how come yuh nuh inna Macka

Diamond Money-O Galliance too? Den again, nuh bodda, every industry

fresh act and ole timer in deh, so dat wudden wuk.

SO PATHETIC

Dadda - Contributed

Smaddy can tell me why QQ and Dadda a get ready fi clash a Sting? Dat

nuh mek it. Di song wha Dadda do a clash QQ in response to QQ have mi

a wondah wha dem pickney yah a study an whe dem parents deh. If indeed

dem fi perform at Sting ah wha time dat suppose fi be? Ah cyaan after

certain hours cause of the Child Act, so mi nuh know wha deh gwaan.

And how dem two artiste deh fi a clash? A pure a dat line up fi Sting dis year it seem! First Merciless wha clash Cobra, now this? Nah sah! Sting lose its sting afterall!

QQ - File