Bramma D'Bomma poses on the set of the video shoot for his single Value of a Lady. - Contributed

In this weekly Muss Buss Caan Buss song review feature, three musical minds will analyse each song and grade it on vocal ability, lyrics, musical arrangement and appeal. Songs that make the grade will be dubbed 'Mus Buss', while songs that flop will be dumped in the 'Caan Buss' bin.

The three reviewers welcome feedback from the artistes and the public. Send your comments to bussdem@hotmail.com or mail your songs to 'Muss Buss' at the Gleaner Company, 7 North Street, Kingston. This week the muss buss/caan buss team will be review Bramma's Guided By The Master.

Witch: "Mi like it; it have a vibe. This is one of the few songs mi hear and just like from him cause mi nuh know much bout him, but mi like dis."

King Kong: "Yow, hear dem sound deh. Even if the words neva deh pon it di riddim woulda mad same way."

Lady Boo: "Okay, Stephen fanatic."

Witch: "Of course, it's Di Genius, weh yuh expect?"

King Kong: "The song have a catching melody. It have a nice vibe and a melody weh people going to like."

Lady Boo: "Di riddim cool fi true. Mi nuh really have nutten fi seh, it all right. But mi have a slight problem wid di clarity at times. Mi like how him a spit some fast, tight lyrics, though."

King Kong: "Why him sound like Aidonia so? The backup vocals dem mad."

Witch: "Fi real it have a sound of Aidonia and a mix wid Blak Ryno."

King Kong: "Sound like is a hybrid, him just miss di 'see it deh' and di helicopter sound weh Aidonia mek."

Witch: "It remind mi a Time To Shine, upbeat-ish. But who is dis Bramma fellow though? Nuff people a talk bout him."

Lady Boo: "Well, Bramma a try get a buss long time now, even though him young. Mi used to hear him mix tape dem from more than a year ago, but dem time deh mi neva really impressed by dem."

Witch: "So yuh think him improve?"

Lady Boo: "Yeah, cause when mi use to hear him before, mi neva used to really hear much melody but now mi can listen with ease and sometimes sing along to him song dem."

Witch: "If this song is an indication of the direction him going in, then him heading the right way 'cause mi can hear dis song a buss. It can play pon radio and play a dance and still get a forward."

Lady Boo: "It nuh bad at all. It can really buss fi true. But all mi a hear same way is him other song Whatever.

Witch: "Maybe that's why it remind you of Whatever cause is another singing song when he usually deejays."

King Kong: "The lyrics are inspiring and di chords dem nice."

Lady Boo: "So unuh think it buss?"

Witch: "Yeah, it have dat inspirational beat weh people can vibe to; a well-needed break from the violence.

King Kong: "It buss. Stephen synonymous with buss, right?"

Witch: "True, mi caan think of any song weh him produce and dem flop."

King Kong: "Yuh not even haffi sing pon him beat, yuh can just put a picture pon di beat and it buss."

Lady Boo: "It have buss potential fi true. And as unuh seh a Stephen still so di chances of it flopping are next ti nil."