Artiste: Assassin

Intro

Ey yo

Jamaica a we island

Jamrock, weh kinda rock

Trust me is a diamond (diamond)

Me nah run lef ya and go noweh

Me nah try offa Philippines

Me nah try offa Thailand (no)

Because Jamaica a mi island

Fi lef ya come in like mi tek sea ova dry land (dry land)

Ey yo

Da same mix up yah so

Follow mi now

Verse 1

Well pree dis ...

How so much fish deh yah like seh a sea dis

And pree dis

Dem coulda hear dat and wah seh me dis

Well pree dis

See a Bible yah gwaan go read dis

And tell me weh yuh see

Seh you fi give a man yuh pe-eh eh

No sah da Jamaica

Me caan believe dis

A find helpless pickney a cuda we dis

No murder nah commit a St Kitts and Nevis

But we a gwaan like seh we a Islamic extremist

Low me nuh officer afta a nuh speed dis

How you a gwaan so and is a draw weed dis

Alright den nuh seh nutten

Hold dis is a G dis

Yuh face still mek up alright a tree dis

Wait ... di country a mash up how we a go treat dis

If we unite we know we can defeat dis

Because a full time we bring back di sweetness

Until Jamaica give we diabetes

Chorus

Because di economy poor

And di crime rate high

But a Jamaica still a we yaad

Me nuh know bout you

But me sure bout me

Dem ting deh nuh fi gwaan inna me yaad

Wah me seh things not great

But we must hold di faith

Although time so hard

Me seh we haffi try set it

We nah run lef it

Jamaica still a we yaad

Verse 2

Well bear dis

Come mek we pretend is like seh is a election year dis

And everybody try find a betta way fu steer dis

Cause if we continue so tourist will fear dis

And nobody nah go wah come near dis

Well hear dis

Jamaica we caan move so we a live too careless

Nuff prayer a send up mek di Almighty spare dis

Well Jamaica him a test we

We caan fail dis

Him goodly take it back so do nuh mek him send a bailiff

Me kick back pon di beach and me a sip a Bailey's

And me a memba how much hurricane and how much near miss

But we crime rate mek we feel like we deh pan death row

Is like is a electric chair dis

Chorus

Outro

Ey yo

Jamaica a we island

Jamrock, weh kinda rock

Trust me is a diamond (diamond)

Me nah run lef ya and go noweh

Me nah try offa Philippines

Me nah try offa Thailand (no)

Because Jamaica a mi island

Fi lef ya come in like mi tek sea ova dry land (dry land)

Da same mix up yah so

Follow mi now