Massive! What a gwaan? Cherry Flawless at dem dis week! Lawd oonu know mi already and know say mi cyan stop grin cause a Friday! Wi naw lingah, so suss time! Link me pon: hotgalcherry@hotmail.com.

(AHOOH!)

Get youwr shields! It's cowming fowr us! The plague awnd its awrmy! I hawve received aw note from aw trusted messengaw. It sayeth Dexter was howme sketching! We must nawt allow this howrrific take-owvah! We must nevah allow him to style Empress in those Martian rawgs evah awgain! Did you nawt see her gleaming in her awll white bridawl gown on Sawturday's Mawgnum show? Is there no middle fowr this stylist? When do dancehawll-goers dress this way? Does he think he spiteth us in this time of recession? Knoweth he nowt thawt bettaw awnd mowre needy stylists exist? Civilians ... run! Save thyselves befowre Sawturday night's revelation! Oh ye mighty Fashion soldiers of Spaawrta, stand guard, the night draweth nigh.

NUH LIE! OONU ENGAGED!

Tami Chynn (left) and Wayne Marshall. - File photos

Happy engagement too you! Happy engagement to you! Happy engagement dear Tamiiii and ... wait, wha him name again? Oh yeah, Waaaayne Maaarshaaall, happy engagement to yooou! Woi! Mi body! Well, it nuh matter if dem waah deny it when mi buss it out widdout warnin, but ah true. When mi did say dem deh, dem go high an low, deep and wide an say a lie, dem a just fren. But years latah oonu realise say a true ting mi talk right? Ok. Same way mi a talk dis now sey dem engaged. An so wha? Ah nuh nuttin. Di ongle ting people will have fi say is dat him an Tami nuh match, an dat him ex-woman heart mus a bleed fi see say a nuh she get di ring, an dat if him naw look fi start a side business like Bling Dawg. But apart from all dem 'dats' deh, mi sure nobaddy nuh have nuttin fi say but congrats. Don't it?

Gully Squad, Terror Squad or Cheerleading Squad?!

Terror, sorry, mi mean Gully Squad to di flippin weerl and back again! Yes people! Mavado march out wid him artiste dem. Dem hot! Di soun a dem voice mek yuh feel like yuh inna hell's furnace! Hot to di weeerl wi say! Flex-to-di-Iron-Balloon-Complex in deh! Mavado sistah in deh. Wooi mi body! A wicked Mavado wicked or wha? Smaddy can assemble one squad like dat? A mus cheerleading squad him go use dem fah yaw man. But even den, Vado please gih Flex one cue card fi read offah! Cause wi nuh waah di same ting wha reach him inna New York reach him again. Yeah, deh same ting deh wha mek all now him cyaan buss in di streets. Yeah deh same argument him go pon stage wid an him DID fi say all a di man dem who know dem NUH xyz di male species, but him say summen else instead and him did try fi correct it, but say di same ting again. Yeh, deh show deh pon youtube. So cue card fi yuh cheerleading terror squad please. And hol' on, a Julian a manage di Gully Squad too or wha? Lawd have mercy!

Massive latah!

Mavado (left) and artiste Flex.