Artiste: Mavado

Intro:

Stephen

Da one ya nuh evil,

God knows.

A just to how dem move (dem move, yeah).

We need some change round here (true)

A whappen to dem

Mr big man

Chorus:

A just to how yuh move (yeah)

Yo me see it inna di STAR

And me hear it pon di news

God knows,

Unu wah fi stop di music

Yuh wah stop mi food.

And di yute dem vote

And dem cyaa buy a shoes

A so unu move,

A just to how unu move (yeah)

Yuh a collect di tax money

And yuh gone pon cruise

And yuh plan to ban di beat

Seh you nah ban di blues (nah ban di blues)

Unu stay confuse (unu stay confuse)

A soh yuh move (a soh yuh move)

When a nuh soh yuh fi move (God knows)

Verse 1:

God knows

Me a talk, me a said it,

Me a voice

Da one yah widout edit.

Me nuh care

Cause a dem first a beg it

So as it is me a said it (who),

And me nah look no credit

Ova di years, bere youth a dead it.

Nuff get coppa, nuff get lead it

Corrupt cop kill you

And you don't get fi fled it (wait)

Who talk fi di poor

Stand up pon yuh foot

And go walk fi di poor (Jah kno)

The poor feel insecure

At any given time

Dem kick off dem door

Yuh waah my madda fi clean floor

Yuh nuh waah yutes fly out pon tour

Yuh waah my daughta tun whore

And me son tun gun man

Me nuh waah dat no more.

Rept. Chorus

Verse 2:

It's real,

Tell me how yuh feel

When yuh see di yute pan di street

Dem a rob and dem a steal.

Yuh nuh know how it feel

When yuh wake inna di morning

And cyaa find nuh meal

Music is di shield

Never give up

Put yuh shoulders to di wheel

So we keep it real

To every Gully Side keep it seal.

Wappen to the babies dem weh missing

Who give di guns and di shine and di sin

Dem a point finger

Some a say a she

And some a say a him

Unu betta pray to di Kings of Kings

Unu betta bun out the dutty living

I love Jamaica

But I nah live inna no communis ting

Rept. Chorus

Outro:

Me a talk

Me a said it (yeah)

Da one yah widout edit (yeah)

A dem first a beg it (yeah)

Stephen (yeah) x2

Brighter day, brighter day, brighter day

Brighter day (yeah)

Selassie,

Stephen...

Dis one is a true story

Da one yah nuh evil

Me step wid Jah before me

Dem cya teck me glory (yeah)

Haha, sick.