Tambareen Nation an Mix Up Fambily, large up!! An propa respek to all Tambareen Radio listeners ova Mix Up Yaad (mixupyaad.com). Straight blessings. Unu medz dem Ex mix up ya .

Man a Sort Out Ex

Raga, mi a try call u from whey day cah mi need likle advice from u, but mi jus cah get thru. Raga mi ave a man we been dating a year now. Mi jus find out seh him start sort out him ex. Dis a no 'hear seh'. We had conversation bout it cah mi see text from har Xmas. Anyhow Ragga cah wi live ina different cities it neva really boda mi wen mi think bout it. We link up the oda day Raga, an mi cudn even hug him, an him suppose to be mi man. Mi jus full a anger n rage. Him seh him n har have some financial ties, which mi cah get, and him cah promise seh him nah go sort har out (lol). Him seh mi fi gi him time fi sort it out.

Numba one, dem neva married so how dem so tie up? Tell mi if mi wrong Raga. Mi call him ova di weekend so mi tell him seh it done cah mi nah share mi man. Mi nah wait pon no one fi sort out notin, cah him shuda honest from the beginning, at least mi woulda know wat mi a get into. Mi seh mek wi jus be frens cah notin else deh pon di table right ya now. The man a cuss mi Raga seh mi wicked! Raga mi a big 27-yr-old woman. Mi ave mi house, mi car, my career n mi daughter, so mi nuh ave time fi play dolly house. Cah mi nuh depend pon people fi make sure mi happy. Raga, fi him Xmas present alone cost mi £2,000 n mi neva second guess cuz mi really check fi him like dat. So fi di fact seh him a tell mi fi wait Raga, dis man nuh rate mi. Mi ratings low. Mi either love u r hate u Raga, there is no in between wid me. Tell mi how mi fi handle the ting Raga, cah mi really check fi him. Mi wish u did a do the call up thing cah mi wuda sure mek u chat to him. Him coming down my ends on Monday fi chat. Raga, mi really intrigue fi hear wah him ave fi seh fi him self. Mi nah nuh time fi stress, a money ova niggas mi seh straight.

Raga, him get a month fi sort him crap out I'm out. One a mi man fren a tell mi seh mi shudda mek him sort it out cah we good oda wise and mi fi memba seh there is a man shortage. Mi nearly tun ova Raga wen him seh so mi cudn believe whey mi a hear. But as mi seh mi nah sleep wid him an whoeva him a sleep wid knowingly. Yuh mad! Dat a dutty living Raga! Not unda my regime!

Hear mi, if yuh feel like gi him a month fi sort out himself, then do so. But nuh bada guh get weak an change back yuh mout if him fling on some heavy lyrics pon yuh wen di month done.

Understand dis: People will generally get away with anything they can get away with in relation to other people.

If him feel like seh if him run him card dem right him can get yuh fi still deh wid him, with you knowing dat him have anneda woman, he will do it. Cause in truth, some woman work wid dat. But if yuh sure seh you jus' cannot share him, den pu dung yuh foot an prepare fi lef him if tings nuh change.

In truth though, all questions were already answered wen him brite enuff fi tell yuh straight say him still waan deh wid yuh, but him naa stop sleep wid him 'ex' woman.

Wa more yuh waan hear??

Still a Link wid Ex

Raga, what is your take on my girlfriend constantly speaking to her ex boyfriend. She said she cares for him. I told her I'm not comfortable with it and she replied that she's still gonna talk to him.

There could be several reasons why she's doing this, but I don't have enough info to explore those reasons. However, if she's in a relationship with you and is CONSTANTLY in communication with her ex-man, and you tell her you're not comfortable with it, and she flat-out tells you she will not stop - then it simply means that she has not let go off him and she does not value you enough to let go.

Shi nuh rate yuh! Doan mek shi clown yuh. Is not even like shi a gi him a one hail every now an den. Is a constant ting! Yuh may need fi draw fi anneda woman mek shi know yuh a nuh klaffy. Bless up.