Bless up all Tambareen Fambily linky-linky an all Mix Up massive. An as usual, shell dung respek to all listeners pon Tambareen Radio ova Mix Up Yaad (mixupyaad.com). Bless up unu self. Mix up time!

Di Power of Mix Ups

Well, unu done know say a me a di King a Mix Up. An unu done know say a mainly as a means of entertainment mi always present mix ups. But one oda ting mi want unu appreciate is di power of mix ups fi truly undastan people an cultures.

For example, mek wi pree Tiger Woods. Fi years Tiger has had dis squeaky clean image. He was very careful in carving, protecting and projecting an image of himself weh him waan we fi see. So all dese years wi deh ya a believe say Tiger Woods was one a di sweetest family man inna di worl. Pon top a dat him was di world's numba one golfer fi years (not an easy task to accomplish) and one a di richest man inna di worl.

Den di mix up buss out wid him wife a beat him an a bruk up him vehicle, an it being revealed say Tiger a one a di wickedest gyallis bout di place. Soon more dan 20 more woman come out an say dem an Tiger did a do di tings dem. An dat a ongle who did come out! Before yuh coulda say 'feh' divorce reach him, wid him wife a get what some estimate to be between 700 to a billion US dollars. Afta dat Tiger couldn't win a game fi save him life. Di whole mix up mash him up. An a whole heap a oda tings staat come out bout him.

Di point fram all a dis is dat we neva really know Tiger Woods until di mix up buss. And while we naa beat him up when he is down, it is still very instructive to appreciate di fact dat we now know him betta because a di mix up.

Look pon all di assistant coach a di super powerful Penn State Football team inna di US, who fi years did a run an incredibly successful programme to help little children - only fi di mixup bust out say all dese years he has been sexually abusing little boys. A di mix up mek we really know di nature a him character.

Hear mi man, be careful a dem people deh who always a gwaan like dem have it all togeda, an always waan tell oda people wat is best fi dem, an always quick fi a identify problems wid ghetto people. Very often a dem involve inna all kinds a evil fandangles.

Unu eva notice say nuh mix up nuh really bust out bout Jamaica's rich an pow-erful? Unu eva notice say a ongle ghetto people goh jail an prison inna Jamaica? It doesn't mean say yuh don't have rich, powerful people who are paedophiles in Jamaica, it doesn't mean that Jamaica's rich powerful people are not actively engaging in all kinds of sexual depravity, it doesn't mean that our rich and powerful naa tief millions fram wi - all it mean is dat dem able fi hol it dung an able fi play di hypocrite an get up everyday a chat bout what needs to be changed with ghetto people, while dem a gwaan wid dem dirty deeds inna di darkness.

An dats why dem fraid a mix up. Cause many times mix up bust out di trute. Mi know say sometimes mix ups are exaggerated, embellished and inaccurate. But many times mix ups reveal di trute dat was deliberately hidden by many a dese hypocrites.

Again, dats why dem fraid a mix ups. Mix ups can tell di trute!!

But all di hide some a dem a hide, an a gwaan like a ongle ghetto people have di country's most terrible problems - many a dem shall have dem Tiger Woods moment. Techno-logy has made it so much harder fi hide an be a hypocrite. For example, phone a record everyting nowadays. More mix ups shall reveal more truths. Di half has not yet been told. Mix ups shall reveal di truths about nuff a dese self-righteous crasses, who gwaan like dem care bout di Jamaican masses, but really only care about power and money. Dem doan give a damn bout ghetto people.

Dem mix ups shall tell di trute.