Yagga Yoooowwww!!! Wa a gwaan peeps?? Unu good? Mi deh ya a kick back an a buil. Bless up unu Mix Up self an large up mi Tambareen Fambily. Mix Up time!

Di Mumma an di Son

Well, as me tell unu before, di mix up dem up ya inna New York tun up till dem buck. An cause di people dem up ya know seh a me a di King a Mix Up dem nuh stap fling dem pon mi. Mi have a whole heap a dem save up yuh see. Anyways, mek mi bax unu dung wid da one ya weh a catty dash out pon mi. Pree dis:

She live inna a three-floor apartment. Di property manager dem change out di heating system and in doing so dem stop use some pipes weh run through the apartment dem fram top to bottom. Dem cut out di pipe dem, but lef een di part dem weh run between each apartment through the floors and di roofs. Den dem cover di hole a di pipe weh lef afta dem cut dem. Di result a all dis is dat if yuh deh pon eeda di second or third floor an yuh remove di cover a di pipe pon di floor, an put yuh ears ova di hole pon di pipe, yuh wi able fi hear weh di residents dem a say inna di apartment below.

So di woman who gi mi di mix up say she live pon di second floor. She say all a di apartment dem have windows weh face di front a di complex, which allow everybady fi see all who come in an goh out through di main door a di complex.

daggerring

She say a woman inna har late 40s live inna di apartment below har an dat har son always a visit har. Tings staat to get strange wen she coulda swear she hear daggerring nize inna di 40-odd-year-old woman apartment below har. Soh she staat to fass fi find out who di woman have a sort har out down deh. But she get confused wen she notice seh a ongle di woman son come deh come visit. Den di realisation bax har: di woman an har son a sort out!!!

A soh she decide fi tek di investigation pon anneda level in order fi get to di bottom a di mix up. She stake out har window an see wen di woman son fahwud. Den she goh ova to di pipe an move di cova an put har ears ova di hole an staat listen wa a gwaan between di woman an har son. Weh she hear shock out har baxcova!! She say di woman an har son puddung a piece a sort out deh weh nuh stop ya soh!! Wa mount a bawl di mumma dung deh a bawl out wen har son a put it on pon har!!

Fram da day deh she say she always run goh fass an listen anytime di son come ova. She say even though di son crank it up pon him mumma wicked, she say most a di time wen dem done di son always a tell him mumma say dem need fi stop do di tings dem. But di mumma always a tell di son say since har husband (di son fada) dead she nuh waan no more man, and dat di son a nearest ting to him fada. She all say dat if di son stop mek love to har, as a replacement fi him fada, she a goh kill har self.

Massa God ... if yuh nuh bizzy com dung ya likkle bit!!

So a da sykes deh di mumma use an a brainwash di son. But di son jus as bad an wukliss too. Di two a dem fi blame fi dem crasses.

But di woman who gi mi di mix up say it even deepa dan dat. She say di son have a whole heap a money an dat him nuh stap rinse di coil pon him mumma, an di mumma jus a maintain access to di money by mekking sure di son stay weak unda har sort out.

Bwoy oh bwoy ... di tings dem weh a gwaan inna dis ya world ya.

Unu write me an gi mi any mix up unu have out deh: mixupraga@gmail.com

Mi a cut ya now ... se unu Tuesday, same place yah soh.

Bless up