All Tambareen Fambily an Mix Up linky-linky large up unu self. An propa respek to all listeners pon Ragashanti in di Mawnin a New York. Straight to di mix up!

Raga, mi meet dis woman a me workplace weh like me off. She always a flirt with me and always a tell me nice tings. She gwaan an gwaan until mi get fi like har. After a while, me and har start date and we get involved. Then me move in with har.

Raga, wen me move in with har a di worst thing me could do. She jus couldn't get enough sort out. Everyday she sort me out at least two time. And when me say everyday, me mean everyday Raga. At first it did nice, cause me sexual appetite strong. But even with me strong appetite me still couldn't keep up with har. Some days she do me all five or six times. After a while me feel like me did a go dead. When me go work me find me self a go the bathroom plenty times and all the other girls have to be keep asking me if me okay. It reach a point where when me a go home me all a get depressed. Then pon top a everything she bring dildo in a the mix. And me worst couldn't manage.

Then she did have this thing where if me want go out by meself she we start cry and a tell me say she can't be without me. Plenty times when she want sort me out an me tell har me don't want do it she start cry an a tell me how she a go hurt harself. Raga she start cut, cut har hand every time.

Then one time me a clean up the place an me notice this ting with white powder inna it. Raga, is a good ting me neva smell it. Only fi find out say a cocaine di gyal have in a di house with me. Then me find out say a long time she a take the cocaine and other drugs.

Raga, me did have fi leave har cause she mus woulda kill me. All part a me did bruise up and har mout never look like it coulda get tired.

Well, consider your self fortunate say you mek di choice fi let har go, cause dat gyal have some serious problems weh yuh not even did know how fi deal wid. Don't get me wrong, me naa judge yuh or condemn yuh bout yuh an har being lesbians.

It's jus dat wid all dem tings deh weh she a cut up har self an a tek cocaine an other drugs - coupled with the fact that she was clinically depressed and manifested that depression through excessive sexual intercourse - dem tings deh did too heavy fi yuh.

And with respect to di depression: wen some people clinically depressed dem manifest di depression in different obsessive compulsive behaviours. Some are constantly weak and sleep a lot, some immerse dem selves inna dem job an overwork dem selves, others continually overeat, some mawga dung to nuttin, some reach a point wen dem nuh want nuh sex, an some become oversexed. Di oversexed behaviour work di same way addicts relate to cocaine: dem always need di high, but once dem get di high an come down from it dem immediately waan more!

Soh you was jus anoda one a har drugs. As soon as she come dung fram di high wen she sex yuh off she needed another fix. Is a good ting yuh cut fram di relationship, cause if yuh did tan in deh she woulda rinse out yuh kurru-kurru. She woulda milk yuh to nuttin. And you too would be at the risk of adopting har addictive self-destructive behaviours.

Soh learn fram yuh bangarang an nuh bada goh repeat di same mistake.

Bless up yuh good-up good-up self ... an tan tuddy.