What a piece a carelessness a gwan ehh man. I doan even know wha fi say bout dat deh book deh. Me jus wah kno why di ministry did think it necessary fi teach kids bout anal sex and homosexuality???

Unu lucky Jamaica is a very laid-back society cuz if dat did eva happen ina some other country, people would be getting sued left, right and centre. As a matter a fact, mi feel like say di person whey come up wid dem deh questions deh need fi pack up and go!!!

Whoieeee yuh nuh see say Tommy Lee a tek ova dancehall while some deejay tun higgler.

What a ting eeeh man, mi say mi get fi understand say a certain deejay launch him tee-shirt line whey day and mi get all excited lef mi yaad go down a Clock Tower Plaza ready fi buy one but when mi ketch a glimpse a it mi affi tell dem fi hurry up put it back ... Honestly dem deh tee-shirt deh not wanted at all.

Last week mi drop back ina the place and mi hear nuff people a say dem did miss the likkle suss, well guess wha, Lady Upsetta deh ya again fi mek unu know wha a gwaan pan the streets.

Unu fi mek sure unu link me pan Ladyupsetta@hotmail.com and mek mi know wha a gwan ina unu place.

Heheeeyyy a which politician mi hear say breed one stripper, so mi get it a so mi give it.

Mi hear say the girl used to work a one strip club ova Portmore, that was then. The politician mi get fi understand is a married man. Wonder what wifey would say if she did know wha gwan.

People mi affi call out dah deejay yah cuz from whey day people a chat a bag a tings say har dear friend, the dancer, not doing well and all a now mi cyan hear peep from har.

Mi believe say people fi choose dem friends wisely cuz look pan dis now she and di girl use to par so tight and now the girl a go thru har likkle problems we cyan see not even a Twitter statement from the one person we thought was har friend. Ahh bwoy.

Fus ting, a which athlete mi hear say buy him bredda $33-million house and new Range Rover? Mi likkkeee it! People mi believe say when people mek it ina life dem fi sort out dem family and di people dem whey did deh bout from day one.

Yuh have some a dem whey get rich and switch. Dem prefer feed dog dan mine dem yute but lightning ago strike dem yu see. Kudos to you Mr athlete, you know who you are.<