Home - The Star
November 27, 2012
Star Features


 

Stay bad fren

Respek to all a mi Tambareen Fambily linky-linky an all a mi Mix Up massive. An nuff respek to mi Ragashanti in di Mawnin listeners up ya inna Obama lan. A jus di blessings.

Mi have some 'bad mind' mix up fi dash out pon unu. Pree dis:

Raga, I got pregnant in December of last year. I was afraid to tell anyone so I kept it secret for a long time. I was in Kgn for a while completing my studies so I was not really focusing on the 'belly'. Anyway, I came back home to Clarendon and didn't tell my mother until it started showing. She then told the family, etc. Anyway, down to the meat of the matter, mi neva a tell mi fren dem fi a while, if dem si mi a so.

I love netball so one a mi 'so-called' friend was telling me about a good team and that's when I told her I would not be able to play as I was far along. Raga, the girl change. As mi tell har she not even tell me congrats, she say she affi go try harder an how she envy mi. Rhatid, she talk to me likkle after but nuttin too tough. Now she stop talk to me completely.

I got to understand that she had some procedure done, not sure exactly what it was but it was with her womb. Apparently she can't conceive! But Raga, be honest, a my fault? A me she fi malice? As a so-called 'friend' she lives close by and works even closer and she not one day come look for the baby. She even come to the house next door, lol! Mi glad this happen so mi can stop consider her a friend! One less trouble in my life!

Of course a nuh your fault mek she cannot conceive a child. She too damn wicked! Bad mind buck inna har like wen cesspool truck full up. Mek she guweh!! If she was yuh fren she woulda happy fi yuh. Di main component a bad-mind a nyam har out like wen like wen parasite a dig out smaddy belly: which is when someone has something that they think they should have. So it a beat har bad dat yuh get pregnant an have yuh baby an she nuh get none yet. She shoulda happy fi yuh rather dan a malice both you an yuh baby.

Babysit

An hear wa, me a goh gi yuh some advice weh me nuh waan yuh tek lightly, an me nuh waan yuh feel me jus a exaggerate. DOAN TRUS HAR even if she come roun an a act like everyting cool again. Be careful a har if she staat act like things har back the way they were wen unu was fren. AND DON'T EVA TRUS HAR WID YUH PICKNEY!!! She is one smaddy yuh neva, neva, neva waan a babysit yuh pickney.

A mean, how yuh neva do har nuttin an she a goh come as far as yuh neighbour house an still nuh say nuttin to yuh?? Yuh nuh see seh di gyal wicked!! Yuh jus try be careful a har even wen she deh nex door.

Yuh haffi more dan careful roun dem bad-mind people deh, cause sometime dem jealousy can mek dem do some evil tings. Dem can get deadly.

Apparently she can't conceive! But Raga, be honest, a my fault? A me she fi malice? As a so-called 'friend' she lives close by and works even closer and she not one day come look for the baby. She even come to the house next door, lol! Mi glad this happen so mi can stop consider her a friend! One less trouble in my life!

Bookmark and Share
Home | Gleaner Blogs | Gleaner Online | Go-Jamaica | Go-Local | Feedback | Disclaimer | Advertisement | Privacy Policy | Contact Us