Home - The Star
December 31, 2012
Star Features


 

Let's be better for 2013!

Some may say all is well that ends well while others will say wah gone bad a mawning cyaa go good a evening and some may still seh no cup no bruk no coffee no dash weh as it relates to the sentiments of 2012.

For some it was the best year while for others dem an leap year no gree at all an dem cyaa wait fi see di back a dah crasses year yah! As a country we celebrated a major milestone, Jamaica 50, weh we mustn't tek lightly or tink is a joke ting. Though we have nuff work fi do we still haffi know seh many gave up their lives and dem fight so we can enjoy the freedom we have now. It a go tek every one a we fi put in the time and effort into making this country shine like the gem it is so that the world can stand in positive awe of this blessed country ... Jamaica Land We Love.

no weapon

Wid how we gwaan a London 2012 it inspire mi and it just goes to show when dutty people have dem mouth pon yuh just try work hard and pray dem mouth offa yuh. We no seh no weapon cyaa form against we, but none wah form shall prosper in Jesus' name!

Mi memba how inna every crevice and corna yuh go inna people a jump and shout like dem mad when Bolt, Blake and Weir gi we di 1, 2, 3! Mi seh mi gizzard nearly pop cause to how mi jump an scream mi coulda rival Hansle Parchment silver medal inna di hurdles! Of course the ladies were also phenomenal: Fraser-Pryce, VCB and the others were outstanding. Big up Asafa Powell cause a him set it and lead out di pack! The entire athletic contingent made us proud and 2012 at the London Olympics belonged to Jamrock!

Sandy was a sad moment in the year because of how it ravaged the island. The storm mash up and dislocated so many people and disrupted so many lives that even today some people no come back pon dem foot yet.

In 2013 mi waa encourage a more giving and loving spirit because together we can do it. We need respect and manners to be the order of the day and also to recognise that even though we might no like smaddy and we an dem no share the same views, we can co-exist and be tolerant of others. Everybody have dem fault but still human beings all are we.

healthy and prosperous

This year has been one of much controversy and happiness and as it is about to come to an end I want to wish all a unnu, my beloved readers, a healthy and prosperous 2013. I hope that all dreams and goals will be accomplished and attained, but at the same time yuh a achieve, stand up for what you believe in cause if yuh don't stand for something yuh will fall for anything. Once we have life we have hope and even when some people try fi destroy yuh, jus' keep yuh heart clean as God will pay every man and woman according to dem deeds.

Balance is very important and in all of the chase for that which is worldly we haffi memba fi tek time fi smell di roses, appreciate good people around us and give of ourselves so that others can be happy too. Mi love unnu like how Jesus love likkle children an like how anno me cut up Jesus slippers, a happiness, joy and love me a seh fi di 2013, an if anybody know weh mi can find it in abundance unnu link mi! Lalalalalalalalalalalala

Talkditings5@yahoo.com

Balance is very important and in all of the chase for that which is worldly we haffi memba fi tek time fi smell di roses, appreciate good people around us and give of ourselves so that others can be happy too.

Bookmark and Share
Home | Gleaner Blogs | Gleaner Online | Go-Jamaica | Go-Local | Feedback | Disclaimer | Advertisement | Privacy Policy | Contact Us